#ParentLicenses2822

相中阿媽搵到位坐底後，隨即喺架大號「戰車」裡面攞出張摺櫈出嚟俾大仔坐

列車去到某中途站，阿媽隔離位乘客落車後，就立即召喚個細女過嚟坐喺佢隔離位

阿媽都對呀女照顧有加——先幫個女扎好頭髮，繼而攞出指甲鉗同個女剪指甲，最後先到自己剪，發出嘅啪啪聲響徹整個車廂

自在程度猶如置身喺自己屋企咁，即使坐喺對面定行過乖客都望住佢哋，但佢哋仍然如若無人之境

最佩服係佢就咁將啲指甲撥落張櫈上，到站就若無其事咁落車

相片來源@ J.C.
讀者投稿@ J.C.