係咪真係咁肚餓?

#ParentLicenses1590

今日同仔仔坐西鐵,見到對面一個媽媽,她的打扮較年輕,孭住一個粉紅色CHANEL袋,推住一架BB車(內有熟睡了的BB),還有同行一個目測2-3歲的小男孩

我看見那名媽媽用濕紙巾幫小男孩抹他的鞋面,應該係污糟咗,然後佢就任由個小男孩企喺西鐵張櫈上面行

我😂,嗰陣時諗:「你應該要抹埋個鞋底啦,如果真係要俾你個仔喺上面行」

然後我就見到佢攞麵包俾佢仔仔,佢仔仔除低咗個口罩,揸住個麵包,企喺西鐵嗰張櫈度食

我感覺佢仔仔好安靜又唔係扭計,點解要喺架車度即刻餵食麵包?

期間我見到佢仔仔有喺西鐵櫈上行嚟行去,媽媽都有捉住佢隻手嘅,但架車郁緊,令到個小朋友又企喺度又行咁,好似moon walk咁,其實都真係有啲危險,隔離有個肥叔叔都望一望佢

最關鍵係,我有留意到佢阿媽幫佢抹完鞋,隻手仲要冇消毒,隨手就攞個麵包俾佢食🙄

我真係諗唔明

喺交通工具範圍,已經大大隻字寫住《禁止飲食》,加上而家有疫情,真係放心除口罩喺車上進食?屯門去天水圍都係兩個站,係咪真係咁肚餓?點解唔落車先食?

仲要容許個仔用個鞋底踩張櫈行嚟行去,一來真係好污糟,有冇考慮下其他乘客感受?二來真係危險,尤其港鐵呢排咁多意外,突然間急停,個小朋友碌咗落地咁點?

圖片來源@功夫足球
讀者投稿@年輕媽媽咪🤩

error: