#ParentLicenses2073

我自己都係家長，無諗過自己有需要投稿，誠然今次真係不吐不快

話說去公園玩時見到一名男童仆親，當然喺公園好常見，我自己下一秒都睇住自己兩個小朋友

然而下一次在望，見到個男仔仍然瞓喺地下，攬住個膝頭哥，好淒慘地大叫一個人名——一個男仔名

我感覺到不安，上前問男童傷勢，佢話：「自己膝頭哥歪咗，之前已經試過」

我第一時間即刻諗要搵到佢嘅父母，我大叫有有個男仔受傷（天真嘅我覺得男童父母唔會喺好遠），可惜無人理

幸好男童好醒目，隨即問我有冇電話打俾佢阿媽。佢講嘅電話號碼，我打咗兩次都無人聽

當時我除咗要叫住兩個女，叫佢哋唔好走開，又要幫男童，同時有啲小朋友開始圍埋嚟問咩事。我自己讀過急救，識少少急救知識，就解釋俾佢哋知唔可以移動傷者

不過，整個過程未曾有一個成人上前問需唔需要幫手，直至之後有位男孩出現

受傷男童叫男孩打俾佢阿媽，然後受傷男童阿媽始出現，我叫佢即時call白車

受傷男童阿媽手上有兩部手提電話，但佢就喺度話搵電話。旁人話：「你手上有咪有電話囉！」

「打唔到㗎」佢話

我：「我幫你call白車啦！」

隨後男童就上咗白車

我聽到受傷男孩滿十二歲，我諗我哋搞咗五分鐘，當中又打咗兩次電話，佢阿媽先出現

當時男孩好無助，同班朋友仔一齊跑，自己仆親瞓地，冇人理；大叫個朋友，又唔理佢，聽到就係企喺度；阿媽又唔理，又唔聽電話

之後我見到係有其他家長認識該名受傷男童，其實其他家長去排隊，搵一個家長睇晒咁多個小朋友，咁安排會唔會好啲？男孩都只係12歲，真係可以唔理佢？放養咁，重要唔止一個

另一件事就喺跳彈床內發生，成件事由職員打完場。事情係有個男仔打另一個男仔，被打男仔老豆好暴躁，好似想衝入去打個男仔。之後我發現，打人男童父母出現，佢哋將細仔放入埋彈床，之後坐得遠遠咁，難度生仔就咁放養？

讀者投稿@熱心人