#ParentLicenses1533

今晚我、老公同兩個仔女（3歲及1歲）出咗去食飯

隔離枱坐住兩大一小，小的目測兩歲。用饍期間，個小朋友全程都係喊同叫，佢媽媽俾奶嘴同手機佢都搞唔掂

我覺得無所謂，因為我自己都有兩個小朋友，明白湊小朋友嘅難處

食到中段，我個仔食完個口冇嘢，開始「丫」我一聲，示意叫我俾嘢佢食

隔離枱嗰位媽媽竟然同佢個妹（另一大人）講，話我個仔「丫丫」聲好嘈、我個仔影響到佢個女云云，再著呀妹帶佢個女出去行個圈

成餐飯食咗咁耐，我仔都係「丫」咗3-4次左右，我自己都嗱嗱臨餵佢，怕佢扭計

我都唔明白，一睇你個女就知大過我個仔，我由入座就見你個女喊同大叫；一餐飯一個鐘，我都冇話怕你個女影響我個仔

仲有，你哋入座先，而且一早食完；到我哋食完走，你哋都未走。唔該你哋兩姐妹搞唔掂個小朋友，食完嗱嗱臨走啦！個女喊到死又大叫，食完又唔走，留喺度吹水，仲要姓賴話我個仔都唔好咁大聲丫！

未幾，我都唔想同佢哋一般見識，我哋都儘速食完埋單！

因為個媽媽自己自私傾計，由個女喊就塞奶嘴，奶嘴唔掂就俾佢睇電話，電話都唔掂就由佢喊，究竟係度講八掛係咪咁重要？

酒樓食飯啲枱坐得好近，我都唔想聽到，所以我走！

讀者投稿@無奈的媽媽