#ParentLicenses2468

我外甥仔而家讀緊中學，佢阿媽（即係我家姐）n年前過身。逢星期日姐夫都要返工，所以外甥仔都會自己一個嚟探我媽（即係佢婆婆）

家姐死咗我都唔想話外甥，但我都唔知妹夫點教。佢係一個好自我中心又唔顧及人感受嘅人，例如係當我哋三個人食飯，條友?飯只會係?自己嗰碗，食飯前又唔嗌「大家食飯」，食完又唔嗌「慢慢食」，所以我認真麻麻地呢位外甥

我媽有種傳統觀念：好嘢留俾個細，餸頭餸尾自己啃。就以蒸魚為例，我媽只會食魚頭魚尾，見狀我都會夾啲魚肉俾阿媽，但嗰條友就只係夾魚肉俾自己，我真係忍唔住屌鳩佢！

我：「喂！你婆婆為咗你食得好啲，佢自己要食餸頭餸尾，你好唔好意思？你個自私精剩係夾俾自己！」

外甥：「其實我都想問你哋啲大人好耐，明明所有嘢都係自己煮得咁辛苦，點解唔主動夾自己鐘意嘅嘢，係都要委屈咁遷就人，然後自己食唔鐘意嘅嘢，重要人哋親手夾？」

我：「吓？你老豆咁教㗎？識唔識咩係尊重呀？」

外甥：「我同爸爸不嬲都係各自夾餸」

我：「你嚟到呢度唔該入鄉隨俗，你屋企還你屋企，呢度係你婆婆屋企，明冇？」

媽：「食飯啦食飯啦，唔好嘈交」

有時真係好想一腳伸條仆街仔落街，但阿媽又想見下佢

讀者投稿@好討厭自我中心既人