#ParentLicenses2427

個女讀band 3中學，日日剩係識得喺屋企hea，玩手機、iPad，書又唔好好讀，家務又唔做，於是忍唔住問個女

「第時有咩打算？」我問

個女就答：「我想做港姐或者空姐，呢個係我嘅dream job，亦係我唯一嘅生存希望」

不過老實講，港姐同空姐咁多人爭，點會揀中佢？所以我再問個女：「dream job係咪可以當飯食，如果唔得咁點？係咪諗住喺屋企hea足成世？」

點知個女竟然話：「人如果冇夢想同咸魚有咩分別？如果in唔成港姐或空姐就寧願一世攞綜援，都唔會揀返其他垃圾工！」

聽到個女咁講之後，我真係打咗個突，有手有腳竟然諗到唔做嘢攞綜援，到底識唔識個「醜」字點寫？都唔知佢啲歪理究竟係喺邊度學返嚟

我忍無可忍下叫個女咪再發埋晒啲不切實際嘅白日夢，然後正正經經讀書同諗下第時條路應該點行！然而個女就發晒脾氣話我唔明白佢，重要駁返我嘴：「做唔到dream job嗰刻就注定俾人睇低㗎啦，已經冇需要再理人點睇」

見到個女變成咁真係好激心，明明佢細個嗰陣都唔係咁，希望佢可以快啲醒，最壞打算可能真係要同佢斷絕關係！

讀者投稿@已經唔識教