#ParentLicenses2170

話說有個親戚，佢個女係同性戀者，同咗個來歷不明嘅女人結婚

兩個結婚之後就不停話要生小朋友，當邊個有問題問佢哋時，佢哋就會話你歧視同性戀；一旦你唔贊同佢哋乜嘢睇法，佢哋都係會扮慘扮可憐，所有結論都係指到去話人歧視佢哋

佢個老婆興起就買貓買狗，買嗰陣又話命根寶貝，然而兩個成日去玩去旅行，逼親戚朋友輪流幫佢哋睇貓睇狗。佢哋連照顧貓狗都未搞得掂，卻仍然不顧一切去用咗好多好多錢做人工受孕

不過佢哋做人工受孕並唔順利，直到佢哋試到冇晒錢要問父母借，終於都俾佢哋中獎呀！

後來佢哋又用咗好多錢搞baby shower，而且搞咗好多個；生之前又去咗幾個旅行慶祝就快做媽媽，BB出世又用好多錢搞party等等。呢啲一切活動，身邊所有人被屈夾錢買啲勁貴嘅BB用品

生咗啦，兩個又多多藉口唔返工，又話等轉工，但又搞唔掂個BB同啲貓狗，咁就打搞好多人啦，例如又要問父母借錢，借完又借，一借再借，邊個親戚唔肯幫手又屈你歧視同性戀

個BB出世時，佢哋成日話係天賜嘅禮物呀，不過唔夠三個月又嫌煩又話攰，個BB就好似啲貓狗咁係咁叫人幫手睇住先

個爸爸係變態縱女狂魔，佢覺得冇問題嘅，甚至要全個地球嘅人都應該圍住佢個女轉呀！

大佬呀，你有錢就俾錢搞掂，唔好搞到其他人啦！人在外國請工人helper係貴，你又唔肯俾錢請，你自己又做到隻狗咁，咁你個女生個小朋友出嚟做乜啫？

讀者投稿@可憐的B女