#ParentLicenses2145

有日接小朋友放學，過馬路時原本見行人綠燈就正想踏出，突然聽到救護車嘅bibu聲由遠至近嚟緊，於是好自然咁拖實小朋友退回路邊企定定，等救護車過先

隔籬突然有個大嬸大叫：「衝呀！」

大嬸衝咗出馬路，而喺我O晒嘴嘅同時，又有一堆小學生跟住阿嬸一齊衝，最後架救護車只好停低等呢班人衝晒先再開車。我諗架車見到班人衝都幾無奈，我睇到都真係目瞪口呆

之後我小朋友話返我聽先知，後來救護車開車時，司機位隔籬個救護員喺車窗向我地俾咗個「good」手勢，我猜想係見我哋有盡公民責任，讚我哋做得好之意

我唔明，大嬸你衝咩？你父母冇教呢啲？你咁樣衝係做緊個壞榜樣俾後面班小學生睇（我唔知係咪佢啲子孫），其實你知唔知醜？

救護車響號係救緊生命，分秒必爭，你快過佢過一條馬路仔有咩咁自豪？如果架車上面原來係你家人呢？你阻住佢送院係咪好開心？更甚係當你衝出去而司機睇你唔到，到時候撞到你又累人累物，究竟為乜

圖片來源@賭神
讀者投稿@紅綠燈過馬路要小心