#ParentLicenses2133

喺一間通道好窄（因為擺晒貨）嘅舖頭，有一個阿媽推住架玩具車，玩具車入面坐住個仔，而個阿爸就推住架BB車，一前一後跟住一齊入一條通道

咁啲人行到嗰個位想通過嘅時候，見到塞住咗，我就聽到啲人口噏噏咁講：「咁窄入兩架BB車?」

咁一啲就選擇返轉頭行第二條路，有啲就選擇照過（其實只要遷就少少都行到嘅）。係咁嘅時侯，個阿爸就口噏噏話啲照過嘅人無禮貌。一方父母唔讓啲人過而搞到停咗喺度，而另一方啲人就照過，但就唔同佢哋講聲唔該借借

我想問下咁嘅情況會係邊一方嘅問題呢？我個人認為，通道咁窄都推架玩具車入嚟……真係玩咩?

讀者投稿@路人甲