#ParentLicenses2125

每逢搭鐵，不論車廂內多人與否，總會有啲甩繩馬騮忽視所有乘客，圍住條柱轉轉轉

有次架車廂內有少少逼，有個細路不停喺我隔離條柱度轉，而且踩到我對鞋兩下

我忍唔住同個細路講：「架車咁多人，唔好玩得唔得？你已經踩到我兩下喇喎」

個老母唔係捉住個細路道歉，重話返我轉頭：「而家個細路仔踩你兩腳好痛咩？」

我就話返佢：「而家唔係痛唔痛嘅問題，係架車咁多人就唔好喺度玩」

跟住個老母繼續嘈：「而家你對鞋好巴閉咩？唔俾得人踩就唔好學人搭地鐵啦」

圖片來源@The Matrix Reloaded
讀者投稿@金剛腿