#ParentLicenses2106

我教畫班，場地地方淺窄。當中有個五歲幾嘅男學生永遠坐唔定，經常都會郁身郁勢，更甚係會遊走於狹窄嘅畫室內。既唔會遵守課堂秩序，又騷擾到其他同學

放畫班時，多數係佢祖父母接，一開畫班門就會跑出去，跑來跑去。祖父母都只係搖搖頭，口叫佢唔好跑，但從來唔會鬧佢

有次，佢個怪獸老母嚟接，又係一開門就跑跑跑。佢老母唔係鬧佢個仔，反而係嚟追究我點解容許佢個仔跑跑跑

心諗：「大佬，上完堂交返個仔俾你，係咪你要照顧返？」

當然我都有忍住度氣客氣地解釋，但老母唔接受，重反倒話我畫室好細，唔能夠令佢個仔喺課堂走動！因為畫室細，佢仔先一出閘就跑

我：「？？？」

讀者投稿@無奈的導師