#ParentLicenses1974

話說有日係喺將軍澳（再細分嘅區域就唔講嚕）一間餐廳食晚餐

一坐低都無咩嘢，但只係過咗五秒，我耳仔就俾隔離枱一個混血兒（媽媽係本地人，爸爸係西人但唔在席）噪音污染

除咗見佢著住鞋企喺食飯張梳化度，更高聲大叫要食某一樣嘢：「香蕉！！」

媽媽重覺得好fun用英文同個女講：「傻豬，呢度邊會有香蕉㗎」

如是者嘈咗一輪，個呀媽帶佢離開餐廳去搵佢想要嘅嘢安撫佢，誠而得以享受片刻寧靜

然而當佢哋返嚟之後，始發現最嘈原來唔係小朋友，反而係個媽媽不停用一把好轟耳仔嘅聲音，大大聲咁同小朋友講嘢……都算啦，途中啲尖叫大叫都已經唔特別想提

後來食食下小朋友無耐性，就開始著住鞋喺個梳化跑前跑後

呢個時候，餐廳侍應就以手勢提小朋友示意不允許。小朋友望住，可能嘗試了解緊，但一直講英文嘅媽媽突然再調高聲量，用廣東話講：「哦！人哋望住啦！唔可以呀！人哋望住啦！唔可以呀！坐低！」

小朋友的確無再跑，媽媽瞬即好溫柔咁再用英文補咗句 :「你可以行（意指著住鞋喺餐廳梳化行），但唔可以超過嗰條線（梳化下一個接駁位），因為你行得太快」

嘩！媽媽管教得真係「好好」，呢種教育真係第一次親身見識，在下佩服非常！

讀者投稿@哥哥會鬧