#ParentLicenses1951

今日喺香港仔兒童圖書館，見到個男人拎份報紙，將風月版對向小女孩，標題寫住「H奶XXX」亦展示不雅姿勢

我以為佢不以為然，所以好心提醒：「唔好意思，呢個版面對住小朋友好似唔係太好！」

點知俾佢惡語相向，我唯有再向執緊書嘅圖書館理員反映

個男人就大大聲話：「嗰個係我女！」

我想講當場有十幾個小朋友都在場，份報紙雖然放喺圖書館，但絕對唔應該喺兒童圖書室閱讀，同展示俾在場嘅小朋友睇！佢展示咗足足5, 6分鐘後先再換過份報紙！

作為一位家長，我真係好希望各位父母都注意，好好咁保護小朋友！而呢對父母我就不願置評！

最後，等待呢個人父離開後，我再同黑衣人母講：「請你好好保護自己和在場小朋友」

然而母親卻狡辯話：「係圖書館人員擺放版面問題喎！」

我明明就見到佢自己拆咗份報紙出嚟睇，不平則鳴，已向圖書館經理反映情況！

圖片來源@芝士火腿
讀者投稿@Mi Mi