#ParentLicenses1853

本人係一位揸咗半年日更的士嘅90後。每逢早上都時有遇到一些私校客，「假手於人」call車送自己嘅學生哥/妹返學（即係指家長用apps叫車，但真正乘客就只有學生一位而已）

話說，我今日遇到嘅客人不但堅離地，而且顛覆咗我嘅三觀

今日係星期五朝早，我在沙田區接到Uber Taxi訂單，去到接客上車點等待了一會後，車門突然被打開了

我回頭一看後就讓我吃了驚，竟然只有一位初小女孩，而且上車的過程中，係見唔到有任何一位大人在場！?

我定過神來後，向女孩確認了是否坐Uber，我再於手機app按「開始行程」，行程嘅目的地讓我嚇了一大跳，原本我以為只不過係沙田區内的短程車，勢估唔到目的地竟然係出東九龍！?

我當下意識到事態嚴重，立即打電話俾個客人再三確認下

阿媽接咗電話：「係呀，只有一個細路坐，行大老山隧道去」

我：「??」

由於呢位阿媽叫車嘅目的地係私校，朝早時間少不免會有「湊仔車」排隊落人。當接近目的地，我車離校門口還剩4部車距離左右，那位女孩突然想起身落車。我生怕最後一刻大直路先嚟出事，當下嚇到立即鎖車門，一直堅持到停定咗校門口，見有保安員位置，我才敢開門落客，而最後總算安全到站

師奶呀，雖然我係Uber金牌司機，同埋有自拍照認證啫，你唔得閒搵校巴送都親自送佢上的士都好吖。就算有相熟朋友揸的士送你位「baby」返學，都難保佢唔會係位色鬼做越位嘢啦，何況係街外人？

施主，「防人之心不可無」呀?

讀者投稿@的士哥