#ParentLicenses1839

如果有個這樣的兒子怎麼辦呢？

邨屋鄰居阿姐是一名長期慢性病患者，日常在街市經營著草藥檔，即係賣土茯苓、金銀花藤之類的

佢有一兒兩女，係死都要生到仔那種人

先講兩女，大家姐十幾歲就要幫手養家，同埋好早已經出嫁；二家姐就比較醒目，不理屋企人唔支持都要讀大學，而家喺外國做醫護

再講細佬，佢16歲就唔讀書，但因親戚有金錢支持，佢19歲時就送去外國重新讀書。然而，長久下來一直嬌生慣養，借故話因要寄人籬下，而且需要自己打工賺零用錢就想返香港。但屋企人唔同意，跟住就喺親戚屋企自殘，放話要自殺，親戚第二日就送佢返香港

香港間屋係大姐夫借俾佢哋住。大姐夫話咁樣唔得，要俾佢知家人不會容忍佢任性，要佢搬出去住，同埋搵工自己養自己

個阿媽就要生、要死、要吊頸，又要去村口橋洞住，於是乎就係咁，細佬在家吃喝玩樂到現在29歲

細佬間中去炒散，冇錢就搵阿媽拎錢，個老母成日都心軟，口次次話唔俾，但個仔話病要280蚊睇醫生唔通唔俾咩？要50蚊食飯唔通唔俾咩？

前兩年，大姐夫一家要返英國，咁就話賣咗所有在港資產，包括而家佢哋住嗰間屋。新屋主都係親戚，用低於市價租俾佢哋，所以佢哋一家支出就多咗，個阿媽就同阿仔話冇錢

阿仔都唔理：「你同我講，我都冇錢啦」

阿媽：「咁你返工賺錢啦，阿媽就來病死」

阿仔：「邊有咁容易搵啊，等我打遊戲賺到錢就會回報你啦」

其實我哋街坊都知阿仔有錢，佢成日買貴價外賣，又喺不同大排檔見到佢請人食飯飲酒，或者佢係借來嘅，跟住又喊苦喊慘，求大家姐幫手還，而因為大姐夫唔俾，而家都冇了

後來，個阿媽就好想趕走個仔，自己申請個長者公屋，但個仔係咁痴住佢，都唔知晚年點算

頭先我望住我個仔，佢話：「點解我要咁努力，隔離俊哥哥咪一樣唔使做，有得食，重帶我打機，好開心㗎」

我手中的藤條忍不住握得緊一緊，想俾佢有個完整的童年

讀者投稿@nunu