#ParentLicenses1384

話說今日去咗一間韓國小店食晏，見到有對年輕父母帶住兩個小朋友入嚟

兩個小朋友一坐低就已經瘋癲咁樣大叫，而且仲將枱面啲嘢掟落地下

嗰對父母喺埋單嘅時候仲搞笑，爭拗點解佢食嗰個唔係餐價，當時佢自己指住牆上面嘅圖去點餐云云

枱面上已經放晒餐牌，我亦好清楚聽到個侍應已經同佢講餐牌有餐喎！唔知佢哋係唔識字定點樣啦！

其實你兩公婆真係好老土，餐牌、價錢都放晒喺枱面，但你唔睇，係要睇圖片，食完又話人哋誤導你！

唔識字就去讀多幾年書啦，學咩人生仔？

散叫嗰個份量的確係多啲，但只不過係講緊$20嘅分別。呢啲小店梗係息事寧人，遇到呢啲客真係當比畀乞兒就算

圖片來源@bb
讀者投稿@bb