#ParentLicenses1655

做教育呢行真係見盡好多無知家長

好耐之前，喺屋邨商場嘅蚊型補習社做功課輔導班導師，經常同時對十幾個學生，每日學生最少要用兩個鐘做完功課，仲要下下都話唔識做，仲要再溫默書，搞到人都癲，但最忟都莫過於有啲戇鳩家長，過程真係好痛苦

話說，嗰時有位操非純正廣東話嘅家長，白白淨、眼大大、又肥又圓，成粒湯圓咁，配以一頭紅髮，佢好怕蝕底，次次未夠鐘就會送個女入來補習社

每當呢位家長帶個女入嚟，佢就用佢龐大嘅身軀撞開其他小朋友，拉開人哋啲書包，為嘅係幫個女霸位坐近老師

佢入課室次次搞一大輪，已經滋擾到我同其他學生，所以我就貼咗張告示，主旨係家長唔入得課室咁

除此之外，佢最恐怖係成日著透視裝、網網衫、露紅bra，其他小朋友都忍唔住笑佢係肥豬，而有次佢仲同個男人好親暱咁送個女嚟

我就問佢女：「今日爸爸都送你咁好啊？」

女：「唔係爸爸，係叔叔」

我：「?」

講起呢位小朋友，讀書唔叻又懶，都令我教得好勞氣

有日佢派咗考試範圍，指明咗常識科係考「上冊」及「下冊」，佢老母接佢放學時問佢：「今日溫成點？溫好未 ？」

我：「未啊！今日做完功課，同佢溫咗呢樣嗰樣……」

佢老母就好嬲，質問我：「點解未溫完？！」

當時我好忙，佢仲要擋住我

我：「媽媽，佢考試範圍係上下冊，無可能一日會溫完！」

佢老母又發癲話：「有無搞錯啊！？佢補咗4個小時！點會未溫完！？」

然而佢只係俾兩個鐘錢，又遲遲唔接個女，當正我哋係托兒所

佢真係搞到我即刻火滾，好似我要只服侍佢女一個咁

我：「阿媽媽！你知唔知佢幾時考試？佢要考幾多科？一科考幾多本書？你有無喺香港考過試？你覺得你女可以一日溫晒兩本書咩？」

當時嘅我嬲到好熱，面都紅，氣氛好僵，其他老師都唔敢出聲

之後佢即刻收皮，笑笑口，好聲好氣咁講：「唔緊要啦～聽日再溫啦～謝謝老師！（國語）」

有啲家長成日覺得俾錢個小朋友去補習，個小朋友就會考獲100分，但佢哋究竟知唔知自己小朋友嘅資質同香港學校嘅功課量？

讀者投稿@M Leung Ying