#ParentLicenses1654 #投稿者回應

首先多謝板主負傷都幫忙出post??????祝你快快好返，亦多謝咁多位大大留言支持！我大部分留言都有睇，無諗過會有咁多人share post??所以特別上嚟講句多謝??

另一個原因我再次上嚟係見到呀家長都忍唔住回應，所以我都忍唔住上嚟再派?

家長喺見到我出post之後，佢message咗我，「教訓」咗我一餐，更揚言一定會上網「回敬」

首先請你唔好侮辱我部琴，雖然我部AF唔係最頂級，但我班學生家長都好感激我捨得用呢款琴嚟教佢地嘅仔女，借位多謝我班家長支持????

其次，就係我一啲都唔巴閉，而係你覺得我巴閉而已，亦因為呢件事發酵咗，引嚟我其中一個學生家長cap圖同我講返事件源由

事情原來係你知道咗跟我學琴嘅小朋友會有機會被我帶佢哋到公開場合表演，所以你就問嗰個家長拎我嘅聯絡方式，目的係你都係想你嘅小朋友有表演嘅機會

說穿了，你覺得我巴閉，或者覺得我可以幫你達成你嘅目的，所以你嚟搵我

我重申，每一個我帶去表演嘅學生，佢哋都係經歷咗好多練習同努力，唔係短短幾堂就成事，只係你自己make咗assumption，覺得跟我學琴就好快達到你嘅目的

以我所知，你無俾到練習嘅機會你小朋友；而且你亦問過我買電子琴得唔得，當知悉你連琴都無諗住買，可想而知你都真係唔係想放幾多資源俾你嘅小朋友，你似係想行short cut，打天才波

我自問唔係音樂家嘅level，但前前後後放咗20年嘅時間喺鋼琴上面；我有努力過，請你唔好侮辱我嘅努力

文章來源：讀者投稿@琴老師

故事源起

肇事者回應

投稿者回覆

投稿者補充