唔一齊停課好輸蝕

我幫我女報咗一間最近屋企嘅邨幼,自從有一次排隊接放學時,被家長A見到我爸揸車嚟接我去食飯,同我呀媽無預警咁買完嘢拎住一袋二袋嘢送俾個孫接放學,家長A就好似啲長舌婦咁不停講,不停呻

言下之意係:點解唔讀私幼?唔請工人?叫你呀爸呀媽俾錢你呀!令我等個女放學時,都要盡量避開

另一個家長同我講,佢話A係冇返工,全職湊女,而佢老公一個人養家之餘,仲要養埋啲長老

適逢某啲日子,學校要求同學著便服時有主題,佢都會嘈:「邊有多餘錢?」

家長A日日都問其他家長:「收到政府嗰兩千蚊未?」

經常會問人哋有冇替小朋友搵外補,套話去問外補內容係咩,又指自己教都得,心理唔平衡

另外,家長A話自己係長期病患者,聖誕節啱啱完咗,又泛起一波疫情

家長A一味向老師投訴:「唔停課好危險!」

老師解釋:「如果你有呢個疑慮,可以請事假」

但佢又唔同個女請假,理由係:唔一齊停課好輸蝕

家長A從來唔帶佢囡出去玩,超級內向,當面授停課改為zoom 上課,老師問問題而佢囡唔出聲,就會聽到家長A直接鬧,甚至要被老師勸停

後來老師喺好後先會點名佢女答問題,佢直接就話老師係專登排到最後;有時連放學佢個女唔係排第一都要鬧:「係咪你最遲執書包?點解你每次都排咁後?!係咪老師安排?」

然而,家長A又會經常炫耀自己個女記憶力好好,高調讚個女K1已經記到好多中文字同已經教緊乘數,要人認同佢

我唔知佢個囡有咩感覺,因為我只見佢個女低頭不語,無喊又無發脾氣,我感覺得佢好壓抑

讀者投稿@窮二代

error: