#ParentLicenses1538 #直出無添加

睇到愈來愈因為果篇野投稿 我都想投下

今年我22歲左 但已經冇番屋企3年

細細個幼稚園 老豆老母淨係錫細我2年阿妹 當時5歲有自殺傾向 妹成日屈我 父母淨係相信她

去到小學 我放學之後父母將我地安排入托兒所 當時好開心 因為食得飽仲可以同人挽 冇諗過呢個時候大概係我最開心嘅時間…之後我俾人欺凌 要幫人做功課 佢地一口咬定我係叫人幫我做 成件事都係自己消化

中學…大概係最痛苦嘅時候 中一想同父母關係好啲 有花心機想同父母一齊 送禮物 不過當老師喺到屈我 話我特登整唔見俾父母嘅信 記完缺點仲罰企4個鐘 老母冇相信我 我邊食邊喊左2個鐘 我咁傷心係因為對父母失望 佢地直接相信老師 冇人相信我真係唔小心唔見 從此成為一根刺

去到中4 我開始衝DSE 不過chur爆左 開始有免疫力問題 去到考完DSE都未好番 例如日日會半夜乾咳2-3個鐘 一個月可能得一日瞓天光 聞到油嘢會反胃 所以日日食粥 每日要食清熱浩黎抵抗下 不過都係一個月發4次燒 全家冇一個人在乎 當我發燒要去睇醫生 佢地罵我哂錢 當時我竟然相信自己做左負累 諗緊如果我死左會唔會幫輕父母

其實仲有另外一個原因係因為食唔飽

中學開始 冇左托兒所 媽平日1-5會俾我50蚊零用錢 星期67就冇 如果老豆去挽左全日 媽從來只係屋企瞓 唔做家務 我地會冇野食 屋企得乾米 雪櫃長期係吉嘅

放暑假從來係我好唔開心嘅嘢 因為老母唔會俾零用錢 全程食自己
有一次好深刻 我記到而家…

放暑假嘅時候 老豆買左包俾我同妹做早餐 中午同夜晚肚餓叫醒老母 她說 啲錢喺銀行呀 不過我唔想落去攞喎 我同妹一直冇食野等到2200老豆回家 問他攞錢買野食 他唔想俾錢我地 於是當日淨係食左1個包…

我小學嘅時候胸部已經B-C CUP 問媽攞錢買bra 她一直唔俾 直接啲親戚介入 她先買1個俾我 500蚊 D cup 當時拖左好耐先著到

仲要著足365日 唔好意思…我都感覺好嘔心

之後年年利是錢就淨係買到1件胸罩

我中學全程都叫我返PT 但我身體咁差 點返姐？考DSE嘅時候已經想俾就俾 唔想俾錢就可以唔俾 我原本想讀上去 不過老母唔俾我借錢 迫我出黎左工作 一個月俾一半家用佢 話以前她都係咁

我就直接去左男友屋企瞓 一直都俾開小小家用咁

上年 男友同我父母講 幾年之後想去UK生活 老母話想同我斷絕關係 就咁樣一年冇見 果半年情緒嚴重失控 應該都抑鬱 因為我仲在意父母 愛他們

老豆罵我不見媽 明明都解釋左 他就係唔明

啲親戚見親都問我做乜唔回家 好不孝 真係心很累 大時大節都冇得回家慶祝 個心情佢地唔會明白

今年我仲知道妹可以讀上去 我超嬲 因為目前工作中 仲要一直調理身體 根本未可以讀到書 她仲唔使俾一半人工 真係雙標

讀者投稿@NA