#ParentLicenses2833

今日喺新城市廣場某火鍋店食飯

咁啱隔籬坐住個一家大細，喺我食足幾耐個小朋友就嘈足幾耐，大叫不特止，更加扔埋餐具落我枱底

小朋友嘅爸爸雖然有為扔餐具而道歉，但係就冇去制止個仔。小朋友嗌到一半，我忍唔住：「家長（爸爸）啊，你個仔好嘈，不如你帶佢出去啦？」

爸爸仍然有道歉：「唔好意思，我哋就走啦！」（但都係食咗一輪先）

講真，我食嘢全程真係好忍住道氣，安安靜靜食個飯真係咁難咩？對父母又唔制止又唔教返個仔，淨係俾個電子奶嘴佢都唔肯收聲就麻煩再進一步行動啦

佢哋走嗰陣我真係忍唔住（已經唔係鬧）：「小朋友你真係好嘈，我第一次見有小朋友叫足全程不特止重扔餐具落人哋枱底」

佢阿媽先好笑，唔知錯咁講：「你都好嘈啊！」

屌！我當場還口：「你教出嚟㗎！」

原本成件事諗住忍吓就算，個阿媽咁嘅態度我真係要即刻投稿上嚟

讀者投稿@ Cara