#ParentLicenses2571

今朝去超市買嘢時撞正有一班小學生進行課外活動

個個件校服都寫住「PLKCKY」，應該係同一間學校，現場有十幾廿個𡃁仔揸住塊板走嚟走去。帶住佢哋嗰啲又唔係老師，似係搵幾個家長帶，一個睇成三、四個學生，根本都管唔晒

啲𡃁仔當正去咗遊樂場咁，又玩踫踫車，又推住架車狂奔，又跑又跳又尖叫，大人竟然完全無諗住去阻止！

好啦，去到收銀俾錢，成條隊都係班學生已經有排等。頂你個肺！班𡃁仔重要打尖，一時又排隊，一時又岀返去拎嘢，最後就多幾個人解壓縮插返入嚟。直到俾完錢走，班𡃁仔重喺度玩緊

話就話十一點幾唔算繁忙時間啫，都唔係由你幾廿個小朋友咁樣跑嚟跑去吓嘩？你個校外教學係教佢哋啲咩？超市障礙賽呀？

圖片來源@猿人爭霸戰
讀者投稿@閃避王