#ParentLicenses2554

坐巴士上層靜音係常識，但就有一對講英文嘅怪獸母子加個姐姐坐上層，巴士仍未開車，個仔睇片已經開到大大聲！

忍咗佢好耐，我同佢老母講：「Please turn off the sound」

佢老母愕然，我再講：「Your son mobile phone」

老母突然轉用中文叫個仔熄聲，原來係中國人！

仔：「點解要熄聲？點解要聽佢講？」

老母：「有啲人係唔鐘意人哋嘈！」

仔：「咁可以唔使理佢！」

老母：「坐巴士唔可以講嘢㗎！唔可以嘈㗎！唔係被差人拉㗎，差人會胡亂拉人！」

仔：「啲人咁無聊㗎！」

老母：「熄聲啦！」

仔：「咪熄左一格囉！」

老母：「人哋聽你熄細一格唔得㗎！有人係咁㗎啦！你下次帶耳機咪唔會被人話囉！而家啲人好煩㗎！」

我想屌柒佢有爺生無乸教，咁撚樣教仔都得？最後被老婆叫住：「咪幫人教仔」

讀者投稿@不平兄