#ParentLicenses2541

話說我四月三十日約咗朋友喺荃灣西附近食飯，見嗰日無乜落雨，所以就冇用孭帶，推BB車帶我歲半女同一我齊出去

當去到荃灣西等?門打開，出嚟嘅係一個手推BB車嘅女人，同埋一個大約五歲大嘅男仔

個男仔企喺我架BB車面前，我就諗住避開佢行另一邊入?，然後佢就突然伸手拍我個女個頭，又用手摸我個女塊面

我當下立即大聲呼喝：「你做乜嘢呀！你咁無禮貌嘅！咁無家教！」

佢呀媽隨即調轉頭望咗一下，但無出聲，擰返轉繼續行，而個男仔就一邊跑一邊擰轉面對住我笑笑口咁跑向佢呀媽度

我即刻睇吓個女，幸好個女無受傷，但就因嚇親而喊咗陣。我真係好嬲點解個呀媽可以由得個小朋友咁！

成件事係我太緊張定係而家係咁樣教小朋友㗎？

讀者投稿@小孩的媽