#ParentLicenses1524

今日去playgroup 上堂，今堂都比較多人，小朋友們圍圈圈坐，同隔離小朋友都比較近

我同我個仔隔離有個工人帶住個妹妹仔，佢本身口罩都遮蓋唔到個鼻。而家仲係疫情期間，個口罩唔啱戴，其實父母有無留意過？（我見工人都有拍片影相，應該都係畀mum睇）同埋唔會咁啱今日先會有一個咁細個嘅口罩啩？！

好啦，我見佢戴到個口罩咁樣，我都唔坐咁埋佢嗰邊……點知，我同我小朋友喺度做緊勞作嗰時，佢除低口罩，拉低落下巴度，再向住我哋呢邊打乞嗤，仲要連打幾個！！！

事件發生前，我留意到個小朋友同老師對答完全無問題，身高都比在場小朋友高好多，我估佢有三歲，因為我嗰堂係19M-36M上嘅班

我估無理由無人教佢打乞嗤時要遮蓋口鼻啩？！同埋一個小朋友識得除低口罩打乞嗤一定係學身邊嘅人！我唔知佢父母平時係點打乞嗤，但應該唔會見過一次就識得咁做啩？！

當時助教有立即拎紙巾畀佢同叫佢戴返好口罩，但我已經覺得太遲，佢啲口水鼻涕都噴晒出嚟

直到夜晚返到屋企，我個仔流鼻水同打乞嗤，你話我會唔會覺得唔關呢個妹妹事？真係勁嬲

提提大家：有研究指出，咳嗽/噴嚏時飛沫可傳播7至8米遠

讀者投稿@Hellosss