#ParentLicenses1519

投稿 #ParentLicenses1516 後續

上個禮拜氣促先入急症，再安排送院住幾日，途中要吸氧氣。個女都有幫手拎嘢嚟叫姑娘帶畀我，佢見到阿媽咁嘅情況應該時日無多，但佢下個禮拜生日仲有心情同朋友去五星級酒店staycation，都要千千聲一位

然而，佢之前講過佢兩公婆手緊搞唔掂，點解仲有心情玩？其實呢兩年因疫情而冇得去旅行，應該慳返唔少！

我以前都係一個人應付自己生活，同朋友夾份租地方住。都係去到63歲被迫退休，如果唔係之前要做白內障手術、腿部手術同有其他病痛，我去到70歲都仲會做嘢

到被迫退休嗰陣，我用僅餘積蓄去負擔屋租等開支，之後再排單人長者公屋、長者生活津貼！

正常做仔女見到阿媽咁唔係好心痛咩？我從來係唔會叫佢畀家用，唯獨今次緊急事要幫手都唔得，真係生錯咗佢！好彩佢唔生小朋友，否則真係會影響下一代！

做仔女嘅寧願掛住自己寵物，救自己寵物都唔夠阿媽，真係已經冇彎轉！

讀者投稿@單親媽媽