#ParentLicenses2797

話說事情發生喺四月廿六日星期日，時間大約下午四點至五點半，我同阿仔一齊去Go Park玩

當時我小朋友同另一個唔識嘅大約五歲男仔玩，佢哋自己玩咗一陣後，我就行埋去陪仔

未幾，嗰個五歲男仔咳咗幾聲，我聽得出佢喉嚨入面有濃痰

我問佢：「小朋友，你唔舒服呀？」

佢答：「係啊，我中咗甲型流感，但今日得返好少燒咋」

我驚愕：「咁你重出嚟玩？又唔戴口罩嘅？」

就喺我想拖阿仔走之際，遠處始見佢老豆跑緊過黎，而同時嗰個五歲男仔就即刻跑走咗，而佢老豆再去追仔，現場剩底我同我小朋友對望

直到廿八號晚上，我個仔就發高燒，驗出中咗甲流，全家辛苦咗幾日

如果呢位五歲小朋友嘅家長睇到依段文字，我必須強烈譴責，明知你小朋友病都帶佢去有咁多小朋友活動嘅地方，而且唔戴口罩，你真係好冇公德心，你真係好衰好衰！

讀者投稿@ $?!#%¥!?#&