#ParentLicenses1483

頭先同呀娘喺放工時間搭狗鐵，我哋好彩有位坐

未幾，就有一大三小（媽媽加一大女兩細仔）上咗車，企咗喺我哋前面。個媽媽就一直講電話，一啲都無理過啲細路

之後嗰兩個仔就一直喺度玩同打，仲要孭住個小提琴，有幾次差啲撞到我呀娘

終於有一次個小提琴差啲撞到我個頭，好彩我無玩電話，縮得快，同時我呀娘又快手擋住咗

我呀娘即刻同佢講：「喂，唔該！」

跟住我大大聲話：「算啦！」

當然我係俾緊說話嗰位媽媽聽，而唔係叫我呀娘算啦

嗰位媽媽就即刻拉走咗全部細路走去一邊，但就竟然大大聲同啲細路講嘢，擺明實則就俾返說話我哋聽：「我唔係想嗌交㗎！而家人哋介意丫嘛！」

我哋梗係唔會理佢啦，但之後太多人上車，佢哋都要迫返喺我哋前面

嗰班細路真巴閉，大嗰個女就一直睥住我哋，細嗰兩個仔唔單只睥我哋，仲細細聲話要打我哋

到佢哋落車我忍唔住鬧咗嗰位媽媽一句：「啲人唔考牌㗎！?」

仲有我想同嗰位媽媽講：「你唔想嗌交？我比你多一百倍唔想嗌交！從來只有你哋生仔唔考牌嘅父母惹事，其他人其實真係好無奈、好被動」

圖片來源@學校街頭霸王
讀者投稿@狗鐵乘客