#ParentLicenses1368

星期五，喺銅鑼灣F出口（渣甸坊），放工時間超多人！！我見到個紅衫妹妹，目測小一二，佢一個人喊到面到紅晒

我同小女孩有眼神接觸，本身想問佢咩事，但因已見有個靚女走埋去好溫柔咁問佢發生咩事，咁所以我就行咗去，事關我約咗老豆老母食飯。經過時，我隱約聽到小女孩話唔見咗呀媽?

當行到去美珍香，見到個女人隔離企住一個同剛才小女孩分身一樣嘅女仔，我直覺下想問個女人係咪唔見咗個女，但眼見個佢又好平靜，毫無異樣咁企喺度。少一事，我又諗住走

但當轉身之際，有個癲婆咁嘅女人走埋嚟，咁我就知，呢個先係呀媽

我就問一句：「你係咪唔見咗個女呀？」

佢答：「係呀！！！喺邊呀？？？」

我講咗喺邊度之後，佢就衝咗去

我就再講咗句：「行咗咁遠先知唔見咗個女，有無攪錯呀？！」

佢個fd話：「咁佢拖住兩個嘛！」

我反白眼???就掉轉頭行咗去

之後我同我老豆老母講返件事，佢哋兩個都勁激動話：「我一定唔會俾你哋（我同我個妹）鬆開我對手㗎。多人地方一定係拖住喺我身後，得呀爸或呀媽一個都唔會買好多嘢令到拖唔晒兩個」

我哋真係無試過走失過！所以我真係唔明「一個拖住兩個」咁嘅解釋，原來可以係藉口唔見咗個女囉……

讀者投稿@平胸暴躁肥婆中女