#ParentLicenses2646

星期日陪仔仔去運動場上田徑興趣班，對象為六歲或以上兒童，目的係培養小朋友運動習慣。班上十幾個小朋友只需由兩個教練帶住，難度低，中間有兩節小息

上一堂重好地地，然而今堂嚟多咗一個小朋友就唔同晒。新嚟嘅小朋友好細粒，上堂時完全唔聽教練指示周圍走，雖然佢家長有試過下勸佢排好隊，但好快又走咗去，甚至走去跑道同足球場，而當時有人練緊跑同踢波，搞到全部人要等嗰個小朋友安頓好先可以繼續上堂

教練都試過勸小朋友返來唔好走出去，未到第一節，正教就已經要去拖返小朋友返嚟排隊，之不過又係走開咗，所以好快趣上堂變成副教一個人帶班，而正教負責睇住嗰個小朋友

正教拖實嗰個小朋友，走去同佢阿媽傾幾句。雖然前後我聽得唔清楚，但都聽到部分對話

小朋友阿媽：「……你咁樣唔俾佢玩會令佢好悶，咁就下一堂佢同家姐唔會再上，你哋要退錢呀」

「……佢今年四歲，我想佢多啲活動……」

我同其他媽咪都細聲講：「小朋友未定性就拖實佢唔好俾佢亂走，一陣喺跑道撞到就唔好啦」

未到第三節，個小朋友就攰到瞓著咗，根本無心上堂。結果今堂原本有四個活動，最後因呢個小朋友而拖慢進度到得僅僅夠三個。我仔仔唔太介意，因為教練好好心教幾個熱身動作讓大家可以回家練習

雖知成日都有家長報大一歲去上興趣班，誰知竟然報大兩歲咁多？我同好多家長都好唔滿意嗰個小朋友拖慢進度，佢阿媽又亂幫小朋友報興趣班囉

讀者投稿@田徑興趣班