#ParentLicenses2642

一個四歲人仔，平時食藥好叻，直情當藥係糖咁食嘅家姐，今次食藥有啲扭擰，相信佢喉嚨應該真係好唔舒服

我哋氹咗廿分鐘，爸爸再冇耐性，夾（編：尷/鑒）生捉住佢強行餵藥。當然勉強係冇好結果，家姐將藥吐返晒出嚟，整到周圍污糟晒。爸爸即時想一巴星落去，我及時擋住，再叫佢清潔及離開

家姐竟然喊晒同我講對唔住，佢話唔係有心整污糟啲地方。我極級心痛，見到佢病已經好辛苦，我真係忍唔住攬住佢一齊喊😭

「唔使同我道歉，明明係我哋冇好好保護你，你先會病，要你受苦，重要俾爸爸暴力對待同恐嚇，係我哋對你唔住」

最後我拍拍家姐再鼓勵佢，最後佢好乖自己食晒落肚瞓返了

但其實個老豆想點？都做咗人幾年老豆，重未知打佢鬧佢係幫唔到件事？佢只係發洩情緒喺小朋友度！

我提又提過佢，鬧又鬧過佢，學校搞嘅正向講座或者情緒講座佢都有參加。佢好錫仔女㗎，但見到小朋友扭計時，佢就控制唔到自己，重有啲咩可以做？

小朋友扭計我自己都要控制情緒，佢都重要踩一腳令到小朋友大喊，我都想崩潰

嚟緊轉天氣，希望大家可以開開心心，冇病冇痛，身體健康啊

讀者投稿@路人甲