#ParentLicenses2617

早一排同阿媽一齊出街，咁啱撞到街坊

阿媽同街坊傾偈嘅時候，街坊突然提到：「你個仔幾時先結婚呀？」

阿媽：「就快㗎喇」

我好困惑點解個街坊會咁問，阿媽之後先話我知：「我之前同佢講你向女朋友求婚呀」

我呆撚咗，我根本冇女朋友，何來求婚？！

我隨即話阿媽：「你做乜事亂講嘢？我都冇女朋友」

阿媽就立即用好怨恨嘅語氣同我講：「你都識話自己冇女朋友，（人哋師奶）個仔同你差唔多大都準備結婚喇，你重係女仔都唔肯識一個」

我聽到就嚟激死，阿媽只係眼見人哋個仔結婚，然後期望我都係咁樣，再將自己幻想嘅嘢當係真嘅同其他人講

「有冇諗過如果被人哋發現唔係真嘅，人哋點諗我？溝女係講timing，冇緣份又或者兩個唔啱喺埋一齊嘅，我又點樣識到女朋友？」

我將以上呢段嘢同阿媽講，佢聽唔聽得入耳係另一回事，我肯定佢會繼續亂講嘢

讀者投稿@「逆子」