#ParentLicenses2607

有次去大x活食嘢同對母女搭枱，個妹妹應該就讀幼稚園高班或者小學。當時佢兩個坐我對面，我哋左右兩邊係通道。未幾，個妹妹用手肘撞一撞佢阿媽隻手，隨即話「紙巾呀」，然後佢阿媽就拎俾佢

我心諗「你個妹妹仔都幾『有』禮貌喎」，不過人哋嘅事關我撚事，家教問題到最後都係家長自己受返，所以我當然冇出聲

之不過，接落嚟發生嘅事就真係關我事

喺妹妹拎紙巾嘅同時唔小心整跌咗個玩具——細細件扭蛋嗰啲小玩具，碌咗去我嗰邊，佢就拎隻腳踢我隻腳，同時命令我：「幫我執」

呢個世界真係乜人都有，做埋啲嘢真係估你唔到

我話：「你做乜踢我？」

個妹妹立即指住地下，但佢阿媽依然喺度撳電話，對佢個女嘅行為毫冇反應

我話：「我咩都睇唔到喎，既然你見到你唔自己執？你求人唔該都冇㗎？踢咩踢？冇禮貌冇家教！」

佢阿媽即刻收埋部電話且發火：「你做咩屈我個女踢你？我都唔見你有禮貌有家教，喺度恰細路！細路冇性㗎！」

好彩隔籬枱班姨姨出聲：「我睇住你個女跌咗嘢再踢個姐姐叫佢執呀！你點教女㗎？做你哋工人就慘囉，重反話人冇禮貌冇家教」

然後對母女即刻食完火速離場，個阿媽重好大聲咁話：「你哋冇細路唔明㗎啦，做人都特別mean」

大聲到係搞到啲唔知咩事嘅人都望住我哋兩枱，以為我哋恰佢哋

相片來源@女子漾
讀者投稿@被踢的可憐食客