#ParentLicenses2596

今日睇戲時，坐我隔離有一個呀媽，佢一開始就同個細路仔由頭講到尾，睇Inside Out都可以講到迪士尼米奇老鼠咁遠

直到喺個小朋友講到主角韋莉有對白時：「佢講嘢無人聽到咩？」

忍咗好耐嘅我就應咗句：「聽到呀！由頭到尾全部都聽到」

個呀媽隨即為佢小朋友出頭：「細路仔係咁㗎啦！咁你想點啫？你咪包場睇囉！」

係，小朋友睇卡通片講下嘢係正常，家長回應佢都好正常，我覺得完全無錯，但問題係個阿媽由頭到尾一直引導小朋友講嘢，主動喺大家睇緊戲嘅時候問小朋友好多問題，好似喺佢屋企咁，重要一有事就大大聲鬧人

其次，兩公婆間中就拎個電話出嚟睇時間，心思都唔係喺套戲度，就唔好懶係好有耐心引導小朋友思考啦！

小朋友真係唔識先係咁講嘢，定係根本阿媽令到個小朋友係咁講嘢呢？其實我留意到當個阿媽無再問問題時，個小朋友都無再係咁講嘢，可見小朋友係知睇戲唔可以講嘢㗎！

相片來源@玩轉腦朋友2
讀者投稿@Inside out2