#ParentLicenses2591

因為北上親子活動多又平，所以於長週末時就跟朋友一起帶小朋友北上玩，而昨日更參加了由某著名點心店舉辦的親子活動包蝦餃，一位小朋友費用為138人民幣

現場擺放了許多以方型枱拼湊而成的大長方枱，一邊是沙發位，另一邊則是企位。「經驗派」港媽的小朋友就坐進沙發位，上面還有活動的橫額，是打卡位，另一派港媽的小朋友就在對面的企位

活動尚未開始，經驗派已經站在企位小朋友中間不停影，每個動作表情都影，到活動開始還在影。企位小朋友班港媽因行不到小朋友旁就開始抱怨，甚有人大聲問：「影完相？影夠未？」

活動中這兩派港媽開始有火藥味了，比小朋友包點心更好看

現場有約二十位小朋友，但只有三位廚師教學而已，大家唯有輪着去學。經驗派見自己小朋友未有廚師教就發脾氣：「為何這麼少廚師？我俾錢係要佢哋學識點包蝦餃！」

我們在另一個角落暗笑，但有牙齒印的企位港媽就反白眼且明顯地笑，始令該班經驗派港媽怒髮衝冠

經理見狀立即多叫幾個廚師出來幫忙，同時經驗派港媽又不停穿插在企位小朋友之間影相，但卻被企位港爸媽排成的人牆擋住，令經驗派港媽就更火上加油，見到她們不停地怒視人牆

到後來發現蝦餃皮不夠，經驗派港媽即拍枱大鬧：「有無搞錯？無晒皮？包得三粒咋！」

經理話攞緊皮出嚟，惟她們繼續鬧，對住企位鬧，目標是企位多用了蝦餃皮。廚師還繼續拿蝦餃皮教企位的小朋友包，沒有理會她們

經驗派港媽全程破口大罵，企位派港媽問經理：「平時參加的媽媽也是這樣質素嗎？」

經理笑而不語，補一句：「最緊要大家開心」

我聽到企位派港媽劃清界線，話香港媽媽唔係咁樣，令我忍俊不禁

直到蝦餃蒸好，小朋友享受自己製成品。經驗派港媽想再攝去影相，企位派再去頂住。之後經驗派港媽又大鬧小朋友坐在沙發位，都入唔到去。之後見到我們拿了製成品坐在側邊的餐枱慢慢享用時，她們又發脾氣話：「又話唔可以坐側邊食？」之後命令經理幫她們拿蝦餃去側邊讓她們享用

她們的行為很失禮，連她們的小朋友也很失禮，大叫又大哭，生仔真的要考牌

讀者投稿@食爆谷港媽