#ParentLicenses1457

小編，點解我道咗歉、認咗錯，請求你del post，但你不del之餘，仲要post出黎比人繼續講？公諸同好？係咪要跪喺度求你？？

人做錯事認錯咗，你反而咁樣開返個post出嚟問其他人del唔del好，要del又要證據，又要報警你先會del。其實我唔post喺你個page，而要喺家長Serect嗰邊post總有原因

我無諗過你可以咁樣引用咗去你依個page度！如果我想post生仔要考牌，我自然會喺你度投稿，但依家想del post都要去求你？

你喺自己個page到話我無分段，你知唔知道，你google form 投稿內容依個位置係無得隔行ctrl+enter下一行，要入好多個space先下一行到？我用電腦投稿，如何可以學似你咁隔行分段？

我知我錯，亦吸收到大家嘅指責，自我檢討後，我知道踩單車上行人路點都唔啱，加上帶住個女更加要身教，唔好俾佢做犯法嘅事；游水都係，我唔會俾個女打橫游，文中我無講清楚，我個女係由池嘅一面游過嚟我身邊，只係一次，唔係大家想像中嘅不停來回loop，但我明都係我錯，我唔會再俾個女喺泳池打橫游

依個page嘅人睇完我個post後，鬧我無腦，鬧我唔應該出世，話我直頭要重新投胎，話我乞人憎，話我個腦入水……我收到晒，係咪就算我道咗歉，都唔配做人，對嗎？

請問下你，有人做錯事，講咗道歉，你會點做？我知道錯，認咗錯，請求del post，點解你反而要post返出嚟公諸同好，仲要求我去證明我係原post？點證明？我跟本唔係你個page到出google form！我唔知你要我點證明，我只希望你可以幫我del返個post

謝謝！

讀者投稿@guest