#ParentLicenses2575

我覺得我太太好冇責任感

由個女初生到兩歲都係由太太全職湊，太太喺無耐之前提出想返舊公司做半日兼職搵零用錢，然後搵社區保姆湊小朋友半日

雖然太太返半日都搵好高人工，但呢件事上我十分反對，因為之前有報道話有社區保姆虐待女嬰

最後太太冇聽我勸告就夾硬搵人湊，而家一至五係太太加保姆湊，星期六佢返全日，我放假自己湊返，星期日就我哋兩個放假一齊湊。好幸運地保姆好錫小朋友，接小朋友返屋企時重唔捨得走

惟尋日太太就提出想星期日俾埋保姆湊全日，讓我哋兩個可以「放假」去拍下拖。嗰下真心嬲，我哋已經係一個完整家庭，有咩理由扔低小朋友後，兩公婆去玩樂？俾佢知道一定?點解唔帶埋佢，有陣時真係令我覺得太太根本未玩夠

倘若一次又一次讓步，會唔會整整下星期一至五演變咗由保姆湊全日？自己小朋友生出嚟都唔負返所有責任，下下都冒險搵陌生人湊，好彩係而家個保姆錫佢啫，唔係嘅話又整多單意外

真心，我覺得俾外人湊就等同冇負起做家長嘅責任

利申：我哋嘅四大長老全部仙遊，所以太太之前係自己一個湊個女

讀者投稿@oc