#ParentLicenses2572

本來都冇乜心情玩Facebook，但今次真係忍唔住。事源今日喺我返工途中，老師急住打電話嚟，叫我盡快覆返電話俾佢。隨後我打返俾老師，佢就話今日我仔搭校車嘅時候同一個女同學發生小爭執，對方家長打電話去學校投訴，揚言要報警喎！

本身我仔同一個男同學經常喺搭校車時坐同一個位置，有一次有個女同學就坐咗佢哋個位，佢哋見俾人坐咗咪算數囉。往後呢個女仔就次次都坐住嗰個位置，彷彿以為校車有劃位咁

今日我仔上校車見到有空位咪坐咗落去囉，點知個女同學話見到唔高興就坐咗我仔後面。幾分鐘之後，女同學不停用隻腳頂佢個背脊，而且伸隻手去前面搣我仔個膊頭。我仔繫住安全帶又唔可以擰轉後面，所以佢就用隻手反擊撥開嗰個女仔隻手。女仔縮手又伸手，喺推推撞撞之間就甩咗少少皮

老師表示人哋個老母好激動話要報警，佢見到個女隻手損咗又有條血痕，影咗相做證據云云

喺整個車程中，校車姨姨都睇住係個女仔郁手先，而佢都話全部人都只係睇到個女仔係甩咗少少皮，完全冇損到，直程係冇需要貼膠布嗰種程度

經老師講述事件後，我就不消0.1秒就着咗火。我即刻回應老師：「叫佢報警，即刻報呀！俾埋我個電話號碼佢，有咩叫佢自己打電話俾我！我而家啱啱收工，我夜晚大把時間可以去差館同你落口供」

其實老師都好奇怪，佢話我仔喺學校好乖。我仔本來喺學校已經成日俾人恰，有時被人拍頭，有時被人拉書包跌低，又試過被人彈額頭，又被人畫花書包等等，發生咗咁多嘢佢都冇出聲，我仔重話會原諒啲同學仔

我知道呢啲事後都冇話過要投訴，頂多都只係打俾老師了解情況，因為我覺得小朋友之間嘅相處都總會有呢啲粗魯嘅行為，咁我都覺得算數

老師都話我仔斯文，係即時有事都唔會出聲，唔認為佢會抓人甚至同人打交。不過我當然有教個仔被人打就一定要還手啦，唔好戇鳩鳩企喺度俾人打，相反如果係我個仔做錯事，我一定會叫佢講對唔住，做錯事就要承認同埋識得去改過！

然而，如果我仔冇做錯，你就唔好屈鳩佢！而家就算你最後唔報警，我都要你親自同我個仔同埋我道歉！事實係你個女出手騷擾我個仔在先，而且都留意返教你個女唔好講大話，做錯事就要承認呀。都唔知係咪返屋企自己特登搲損啲，然後再諗住屈人。成架校車啲同學仔睇住㗎，重有校車姨姨做證

報警啦，快啲去報警呀，記得去醫院驗傷呀，我都要去檢查吓我個仔個膊頭有冇事㖭。前排照咗X光，醫生話佢條腰有啲彎，我肯定係你嗰一嘢搣我個仔個膊頭同埋頂我個仔椅背，所以整到佢條腰彎咗呀，屌你！

圖片來源@溏心風暴3
讀者投稿@Bbe