#ParentLicenses1456

多年前在屯門某大型廣場地下一間快餐店食下午茶，我捧著食物盤，正由取餐處返回座位，途經一段長走廊

一個年約3-4歲的小女孩向著我奔跑過來，她母親距離她背後約十餘尺

我當時轉向左邊避開她，但她卻朝著我的轉的方向繼續跑過來

我立即大叫：「喂喂喂喂……！」同時閃身避開

小女孩可能嚇親，失平衡而在我面前跌低

她母親立即走上前鬧我：「有無攪錯！咁大個人特登撞跌個細路，你實有報應呀你！」

我：「吓！係你個細路自己撞埋嚟㗎喎」

母親：「佢走埋嚟你唔識避開㗎？！咁大個人蝦個細路，你實有報應呀你！」

母親一邊拖住個細路一邊鬧一邊走開

我嬲到呆咗，好久才平伏心情再返回座位，但越諗越激氣，甚至嬲都喊

事隔多年仍然記得

電影截圖@九品芝麻官
讀者投稿@Winnie