#ParentLicenses2533

喺地鐵見到兩個死?仔，由油塘上車玩到九龍塘落車冇停過，而老母就玩電話差唔多玩足咁多個站，只係臨落車前兩個站先收埋電話同兩個細路傾偈，兩個先冇玩得咁猖狂

佢哋喺車廂內跑嚟跑去、轉圈、擘大對腳大字碼、踢腳，基本上你喺遊樂場睇到細路玩嘅，佢哋都喺車廂玩晒，甚至搞人哋把遮、督人電話繩、揩人隻腳，直到要其他乘客都頂唔順走開晒

佢哋嘅老母只係象徵式間中講下「唔好走喇」，當兩個細路喺車廂中心鬥大字碼時，老母喺度笑笑口影相？！

我唔明佢係覺得咁樣好得意定唔想教到咁？！

圖片來源@少年賭神
讀者投稿@乘客