#ParentLicenses1449

早兩日放假同爸爸媽咪去飲茶，嗰間茶樓係有好多電視嘅，咁啲電視就播住最近嗰單的士事件

相信都唔使多講，大家都知單的士事件引致傷者人數唔少，加上死者最近又多一名，所以可以話係熱門新聞，電視成日播

點知以下隔離枱嘅對話真係嚇親我！點解可以咁冷血？冷血都算啦，積下口德好難咩？唔知佢父母點教佢！！

目測都係廿幾歲嘅女人，當佢聽到新聞講的士事件就話：「做咩而家成日播哩單嘢啫？俾人撞嗰啲係明星咩？咁有新聞價值咩？成日播煩唔煩呀？邊個死關我咩事呀？好心播返啲真新聞啦！」

我聽到哩度，真心都覺得，使唔使咁講嘢先？即係明星啲命係命，其他市民嘅命就唔係命？當時我哋一家冇出聲

然而，佢仲同個仔講：「你唔好咁蠢企安全島，安全島跟本唔安全，應該等兩邊冇車先過，其實都抵x㗎啦！」

我打唔出完整兩個字，因為我真係講唔出口

我父母聽到，都忍唔住就話佢：「你唔好教壞個仔，『抵x』都講得出，你有冇教養㗎！！」

隔離枱個婆婆都叫佢唔好講嘢，話佢好嘈

我好興慶我屋企人細細個就教我唔好亂講嘢，要諗過先講；同埋要諗下聽嗰個會有咩感受

唔經大腦想講就講，真係好失禮

讀者投稿@Luna