#ParentLicenses2486

今日我拖住一歲仔仔喺樓下公園散步，期間有位年約四五十歲姨姨經過時見到，遂同我講：「呀妹，你唔可以拖住佢隻手㗎，你要捉住佢腋下個位，如果唔係會扭親佢㗎，佢又唔識講！」

我簡單回應後就繼續離開，點估到個姨姨隨即伸手捉我個仔腋下個位，打算繼續補充腋下喺邊個位

我即時抱開我個仔，回答：「得㗎喇，唔該！」

我隨即就直接轉身離開，點知呢個姨姨「死心不息」，一手捉住我隻手臂就話：「腋下係呢個位呀記得。你個仔應該一歲都冇喇，好易受傷㗎！」

我去到呢個位已經有啲忍唔住：「佢已經一歲，識行㗎喇！講還講，唔該唔好郁手郁腳！」

我尊重你係長輩，出於好心提點後輩，所以禮貌回應你，但請你一句起兩句止，見好就收啦唔該，重要郁手郁腳，就算識嘅人都未必中意你掂佢喇，你憑乜覺得一個陌生人願意俾你掂？

讀者投稿@感到無奈的母親