#ParentLicenses2390

純粹想分享我喺台灣旅行時見到有對父母點樣教導佢哋嘅小朋友，而令我覺得「家教」係咩一回事

有晚我喺台灣夜市行緊，見到有一位小女孩啱啱喺攤位買完嘢食，佢好開心行返父母身邊。要知道喺夜市人來人往，有時又有電單車經過，雖然當時小女孩嘅父母企喺檔位不遠處，但仍有危險

當嗰對父母見到小朋友行返過嚟，佢哋用好嚴肅語氣話個小朋友冇留意身邊嘅人同環境，佢咁樣橫衝直接走過去，一來會撞到其他人，二來小朋友有機會被電單車撞到。原來佢哋唔只得口講，而且叫返小朋友轉登行返檔攤轉頭，吩咐女孩再小心翼翼行多一次去父母身邊

坦白講，如果喺香港見到同一情況，一係啲父母會鬧返撞到小朋友嗰個人，話人哋做乜唔留意佢個小朋友；一係好隨意口講教完就算，未必真係再為意認真教小朋友正確做法。所以我見到呢對父母時，真係覺得呢啲先係真家教！

讀者投稿@旅客