#ParentLicenses2388

有一日，我見到我朋友（佢係全職媽媽）喺IG post咗一個story，講佢一歲半嘅仔發高燒，話好擔心好辛苦

於是乎我就慰問吓佢，點知佢問我粉紅色藥水同橙色藥水，識唔識分邊隻先係高燒藥。原來我朋友個仔燒咗幾日，我朋友都冇帶佢去睇醫生，一直只係食緊去健康院打完針所處方嘅藥

細問下，我發現原來佢幾日都只係餵粉紅色低燒藥，又唔知個仔為乜嘢事而發燒

咁我話：「不如我陪你同個仔去睇醫生啦！」

佢又話唔使，生怕診所或者醫院多病菌喎?

結果佢個仔高燒咗成個禮拜，俾我朋友個阿媽知道後鬧咗佢一餐，即刻帶佢個仔去睇急症，原來佢個仔患上流感

後來我聽其他朋友講，先知道原來BB個爸爸（佢哋冇結婚）一向冇俾家用，所以我朋友冇錢去睇醫生???

我自己都係一個媽媽，小朋友有唔舒服冇錢都會借錢去睇醫生啦，點解可以咁大安主意？

讀者投稿@朋友甲