#ParentLicenses2375

話說早兩日，有件事喺大埔某間中學嘅食晏時間發生

驚見有個大約五十幾歲嘅女人衝入教員室，摑咗一個Miss一巴，情緒十分激動地大鬧佢係毒女人，搞死佢個孫，又話唔知係咪前世掘咗佢祖宗山墳云云

原來嗰個女人係Miss嘅奶奶，本身個孫同呢個身兼後母嘅Miss關係都算唔錯，但因為奶奶一直對呢個佢個仔喺佢第一任太太過咗身之後再娶嘅女人不懷好感，隔咗無耐佢個仔又因為一場意外過身，令奶奶覺得Miss剋死佢個仔，更加試過幾次爭個孫嘅撫養權，不過最終都係Miss贏

今次衝突起因係呢個讀緊中三嘅孫成績麻麻，結果因為要溫書就同Miss嘅奶奶即係佢嫲嫲近排少咗見面。奶奶又係近日先得知個孫近排成績唔太理想，就認定係Miss使計害佢，於是入學校趁機見下個孫之餘，亦都借呢個機會幫個孫「出氣」，希望個孫會考慮改跟佢

咁個孫聞到風聲就即刻拉嫲嫲走，話Miss對佢好好，然而嫲嫲就一口認定係Miss長期迷惑佢，令嫲嫲心情更加激動，又摑多Miss幾巴。個孫拉都拉唔住，最後個孫示意一個阿Sir幫手拉開佢，再送奶奶上的士走

見到呢幕，我心諗好彩奶奶爭唔到撫養權咋，成日咁鐘意幻想，點照顧小朋友？

圖片來源@嚦咕嚦咕新年財
讀者投稿@一個普通同學