#ParentLicenses0858

坐我隔離個同事好愛自己個仔，公司張枱鋪滿晒個仔啲明星相同獎狀，我第一日返工以為佢係變態癡漢

明嘅，老豆錫仔天經地義，但你唔好每日都隊個電話過嚟，逼我睇你個仔啲相同片得唔得啫？啲片下下都三四分鐘，我又唔知你個仔做緊乜春，仲要逼人睇晒唔比fast forward。閒唔時又逼我用自己個Facebook login埋啲唔知乜L link去like你個仔啲on9比賽

「like咗未like咗未？」

頂！老馮要like嘅？捽數咁捽！佢仲逼我即場send比我啲friend一齊like，食藥未？其實你個仔拉小提琴真係難頂過叫床聲，唔好逼我掩住良心讚佢OK？

捱咗半年強制性J佢個寶貝仔後，某日公司sports day終於有幸一睹佢仔嘅風采

話說，有場比賽係啲唔知乜鬼親子二人三足咁，佢仔同老母玩，老豆負責拍片

「嘩你睇我個仔醒目過人幾多」
「嘩你睇資優真係唔同㗎」
「嘩你睇呀邊個個仔拍埋我仔隔離蠢到呢」
「嘩你睇你睇⋯⋯」

嘩屌可唔可以搵人mute咗呢個煩膠旁述呢？

呢場比賽精彩呀，因為佢個資優仔輸鳩咗畀人哋好蠢嘅仔囉，衝線嗰刻我開心到尖叫

當然啦，呢啲被父母捧到上神壇嘅細路又點會接受自己輸嘅事實呢。佢未躝返上個觀眾席前，已經聽到佢啜泣到世界未日咁

佢老母仲勁，係咁屌鳩場比賽唔公平，話勝出個小朋友大佢仔成歲梗係跑得快啲，又話見到有人偷步，總之搞到贏咗個組同事極之尷尬啦

話晒同事一場，最後人哋個媽媽只好主動叫個仔送個獎牌比佢，佢先肯收聲。人哋爸爸媽媽仲好心到送埋自己手上嘅棒棒stick畀佢玩，氹佢。點L知條仆乖仔就拎住兩碌嘢，懶cute咁起勢亂棍扑濕返個uncle auntie。而奇就奇在，我同事兩公婆全程睇住無出聲，好似默許個仔要為家族報仇雪恨咁。勁！今次真心like咗?

有一日，我同事同我講話佢個仔今日生日。OK，咁祝佢生日快樂囉，點知最後都被佢屈鳩咗我封咗封利是

嗰晚，我收到佢個仔個電話，我心諗，佢竟然咁有家教打嚟多謝我？點知，佢果然無令我失望，擘頭第一句係……

「XX哥哥，你畀我嗰一百蚊利是唔夠我買平衡車呀。」

然後我聽到佢老豆老母喺個電話後面不斷大叫加碼加碼加碼……

嗰刻，我好想打18222，喂呢度有單騙案呀

文章來源：讀者投稿@強仔