#ParentLicenses2364

早兩日喺太古商場去廁所，入去已經見到有個呀媽帶住個男仔喺度等，我覺得「是但啦，冇咩所謂」就冇理佢

後來見到有個廁格半掩門，諗住門開咗應該冇人就推門，點知入面重有個男仔去緊廁所

喺我即刻轉去另一格之際，就聽到個呀媽講咗句：「唔好隨便開人度門啦」

我唔知佢係咪同我講，之後有聽到佢催促個男仔快啲，相信係呢個呀媽帶入嚟㗎啦

其實呀媽自己帶住兩個仔，要帶埋佢哋去女廁完全可以理解，亦都可以包容。但係帶咗去女廁，既唔閂門又唔鎖門，咁係咪有啲過份呢？你都已經喺佢廁格門口等啦，可以有幾危險要連廁格門都唔閂？

真係咁擔心的話，其實你可以同佢去殘廁或者大廁格一齊入去，其實對其他人嚟講，冇人想睇你個仔囉

人哋包容你帶男仔入女廁，調返轉係咪都應該唔好再增加其他人嘅困擾呢？而且，去廁所要閂門鎖門唔係基本常識嚟咩？

讀者投稿@又係帶男仔入女廁那些事