#ParentLicenses0857

家長好鐘意帶小朋友去公園玩，每一個小朋友去公園都好開心，同時我相信每一位小朋友都玩過公園內嘅瀡滑梯

但係，有冇家長明白咩叫做瀡滑梯呢？小朋友或者唔明，但係作為家長，我覺得係有義務去教導小朋友如何正確使用瀡滑梯！

「瀡滑梯」咪就係字面咁解：「瀡」落條滑梯。但係，永遠去到公園玩時，都會見到有家長帶住個小朋友或者任由個小朋友 「行」上去 或者 「行」落去！

其實有冇諗過，你咁行，對鞋有幾污糟，有幾多細菌?，踩咗落喺條滑梯度呢？我由細到大都叫自己小朋友唔可以「行」滑梯，小朋友會問點解人哋可以，而佢唔可以？我會解釋，而佢哋都會明白接受！

希望睇到呢篇文章嘅家長，可以教導下自己嘅小朋友「己所不欲，勿施於人」

文章來源：讀者投稿@Zoe