#ParentLicenses2310

有一日接個仔放學，企咗喺度同個仔講緊嘢，突然有個約小一嘅男仔攝咗我哋中間跑過，而且一邊用隻手拍咗我心口一下

我當堂著咗火，大聲喝住佢！見佢即刻跑去工人姐姐度。我怒視咗佢，因為佢仍然玩緊手機，後面重有個幼稚園妹妹跟住

我走埋去同佢講個細路打我，佢第一句就指住個頭同我：「oh, sorry, he have a problem」

我叫姐姐：「should take care and looking for him」

隨後我叫佢要say sorry，但就由個工人姐姐同我講咗就想算。我話要個男仔同我講，佢個男仔就勉為其難笑住講，同埋喺我面前求其訓話咗佢兩句就走?

後來我哋行同一條路，而佢唔知我跟喺後面。我觀察到個工人姐姐似係慣咗，佢依舊一路行一路玩電話，同時一路上見個男仔都係一路跑一路拍打人，可見佢係特登。有幾個路人見佢跑咗去都出唔切聲，而個妹妹又無被拖實，任由佢自己行

我覺得成件事真心好無奈，一句話「個細路有問題」就可以將個責任推卸咗？雖然目測唔到個小朋友係咪真係特殊，但係明知道係咪更加要睇實呢？同埋算係有攻擊性行為，更加要拖實啦，佢遲早會撞大板！

惟希望唔會再遇到佢啦！

圖片來源@火影忍者
讀者投稿@Plskam