#ParentLicenses2296
事源尋日去接小朋友放學，見到個家長（唔知係咪呀媽）湊住個讀幼稚園嘅小朋友，當時佢哋行緊過停車場出入口嘅行車路
個家長一直行時，佢對眼都專注睇緊電話，無考慮過要拖住個小朋友。而個小朋友就擔住把遮，喺條行車路度慢慢行
個家長已經自己行咗上行人路，個小朋友就喺車路壆邊停低咗。家長仍然繼續睇緊電話，而且轉埋身行多兩步
我當時怕嚇親小朋友，所以無響安同無閃大燈，但而家好後悔無開窗提醒個家長，嬲到要通知埋佢小朋友就讀嗰間幼稚園以作提醒！
點解大人可以咁粗心大意？係咪睇電話內容重要過拖住自己嘅小朋友過馬路？點解做家長連基本常識都無?
影片來源@分心玩電話等於玩命
讀者投稿@分心玩電話等於玩命
